ਵੀਰੇਸ਼ ਸ਼ਾਂਡਿਲਿਆ ਦੀ ਅੱਤਵਾਦ ਵਿਰੋਧੀ ਮੁਹਿੰਮ ਵਿੱਚ ਮੇਰਾ ਹੱਥ ਸਦਾ ਉਸ ਦੀ ਪਿੱਠ ਤੇ ਰਹੇਗਾ:ਵਿੱਜ

ਅੰਬਾਲਾ, 26 ਅਪ੍ਰੈਲ (ਬੀਪੀ ਬਿਊਰੋ)
ਐਂਟੀ ਟੈਰੋਰਿਸਟ ਫਰੰਟ ਇੰਡੀਆ ਅਤੇ ਵਿਸ਼ਵ ਹਿੰਦੂ ਤਖ਼ਤ ਦੇ ਮੁਖੀ ਵਿਰੇਸ਼ ਸ਼ਾਂਡਿਲਿਆ ਨੇ ਅੱਜ ਪਾਲਿਕਾ ਵਿਹਾਰ ਅੰਬਾਲਾ ਸ਼ਹਿਰ ਸਥਿਤ ਆਪਣੇ ਨਿਵਾਸ ਤੇ ਹਰਿਆਣਾ ਦੇ ਬਿਜਲੀ, ਆਵਾਜਾਈ ਅਤੇ ਕਿਰਤ ਮੰਤਰੀ ਅਨਿਲ ਵਿੱਜ ਦਾ ਸ਼ਾਨਦਾਰ ਸਵਾਗਤ ਕੀਤਾ। ਇਸ ਮੌਕੇ ਸੁਰਿੰਦਰ ਪਾਲ ਕੇ.ਕੇ., ਰਾਜਨ ਢੀਂਗਰਾ, ਰਵੀ ਸੇਠੀ, ਸੁਰੇਸ਼ ਸ਼ਰਮਾ, ਅਨੀਸ਼, ਰੋਬਿਨ ਧੀਮਾਨ, ਮਨੋਰਮਾ ਪਰਜਾਪਤੀ, ਸਤੀਸ਼ ਮਾਕਨ, ਸ੍ਰੀਮਤੀ ਪੰਕਜ ਸ਼ਰਮਾ, ਸਰੋਜ ਕੌਸ਼ਲ ਅਤੇ ਰੀਨਾ ਸ਼ਰਮਾ ਨੇ ਵੀ ਅਨਿਲ ਵਿੱਜ ਦਾ ਨਿੱਘਾ ਸਵਾਗਤ ਕੀਤਾ। ਵੀਰੇਸ਼ ਸ਼ਾਂਡਿਲਿਆ ਨੇ ਆਪਣੇ ਨਿਵਾਸ ਸਥਾਨ ਤੇ ਪਹੁੰਚਣ ‘ਤੇ ਅਨਿਲ ਵਿੱਜ ਨੂੰ ਦੋਸ਼ਾਲਾ ਅਤੇ ਭਗਵਾਨ ਹਨੂਮਾਨ ਦੀ ਇੱਕ ਵਿਸ਼ਾਲ ਮੂਰਤੀ ਭੇਟ ਕਰਕੇ ਸਨਮਾਨਿਤ ਕੀਤਾ।
ਲਗਾਤਾਰ ਤੀਜੀ ਵਾਰ ਹਰਿਆਣਾ ਦੇ ਕੈਬਨਿਟ ਮੰਤਰੀ ਬਣੇ ਅਨਿਲ ਵਿੱਜ ਵੀਰੇਸ਼ ਸ਼ਾਂਡਿਲਿਆ ਦੇ ਘਰ ਲਗਭਗ ਡੇਢ ਘੰਟਾ ਰਹੇ ਅਤੇ ਪਹਿਲਗਾਮ ਵਿੱਚ ਵਾਪਰੀ ਘਟਨਾ ਸਮੇਤ ਕਈ ਸਮਾਜਿਕ ਅਤੇ ਰਾਜਨੀਤਿਕ ਮੁੱਦਿਆਂ ‘ਤੇ ਚਰਚਾ ਕੀਤੀ।ਅਨਿਲ ਵਿੱਜ ਨੇ ਵੀਰੇਸ਼ ਸ਼ਾਂਡਿਲਿਆ ਨੂੰ ਜੰਮੂ-ਕਸ਼ਮੀਰ ਵਿੱਚ ਵੀ ਪਾਕਿਸਤਾਨੀ ਅੱਤਵਾਦ ਵਿਰੁੱਧ ਆਪਣੇ ਸੰਗਠਨ ਐਂਟੀ ਟੈਰੋਰਿਸਟ ਫਰੰਟ ਇੰਡੀਆ ਨੂੰ ਸਰਗਰਮ ਕਰਨ ਦਾ ਆਦੇਸ਼ ਦਿੱਤਾ।